Әділбек Ыбырайымұлы

Тербелді әуен, беташар да

Қазақша өлең мәтіні, өлең жолдары және толық нұсқасы.

21.02.2021
0
0
848

Тербелді әуен, беташар да
Айтылған,
Көгілдір түн, көкжиекте
Ай туған.
Қызу тілек жүректерден есті көп,
Сен бөлмедің тек біздерге
Айқын мән.
Желбіретті қосағым да желегін,
Ол күледі,
Мен қасірет шегемін.
Гитарыңды құшақтап ап ән салдың,
Өзің білдің,
Мен де білдім себебін.
Кешір мені, сезіміңді жай ұқсам,
Тағдыр-мұндар, табан кетті тайып сан.
«Бақытты бол» деп тұрдың ғой ішіңнен,
Жамалыңнан байқалғанмен айып-шам.
Мынау тірлік жеткізбейді қуғанға,
Ақық жасың дидарыңды жуған ба?
Өмірімнің бөлшегісің кішкентай,
Ғафу етші, артық айтсам бұлданба.
... Үйлену той тола түсті думанға.

Әділбек Ыбырайымұлы тербелді әуен беташар да Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар