Бәрінен шаршап кеттім

Бәрінен шаршап кеттім:
Жанымды мұздатқан көктемнен,
Жүректі сыздатқан өткеннен.

Ап-ауыр азапты шегуден,
Үн-түнсіз жасымды төгуден.

Мәні жоқ ғұмырды кезуден,
Қажет еместігімді сезуден.

Көліктер сабылған көшеден,
Айыптай беретін кешеден.

Үмітім тоналып қалғаннан,
Алдамшы бес күндік жалғаннан.

Шаршадым таусылмас мұңымнан
...Ештеңе шықпады бұнымнан...

---