Өлең, жыр, ақындар

Шексіздікті іздеу

  • 10.03.2021
  • 0
  • 0
  • 549
Аспан түбі болмаған, шектелмеген,
Жетпес ешкім жол-сапар шеккенменен.
Мәнін әлі білген жоқ мәңгіліктің,
Бұл адамзат өзінше тексергенмен...
Өткісі бар айналып шын жауаптан,
Пенделіктің жемтігі шырғалатқан.
Тағдыр сыйын тартқанды тани алмай,
Нәпсі жеңіп, құрдымға сырғанатқан.
Жаратқанын сездің бе жарықты кім?
Тұйығы жоқ, шеті жоқ, анық білдім.
Айдан асып, арманым орындалмай,
...Емес пе екен ол менің ғарыптығым?!
Шексіздікке ұқсатқан қиялымды,
Мұғжиза етіп жалғаған тұяғымды.
«Ием менің, қайдасың?» – дегендерге,
Құпиясын Жаратқан құя білді...
Өз иесін – Аллаһын іздегенге,
Беріпті мол күдерін үзбегенге.
«Бисмилла» – деп қолыма қалам алам,
Жолықсам деп өлмейтін ізгі өлеңге.
Бейшарамыз жүрген сол сенделіп бір,
Бетімізде бес елі пенделік кір.
Жүйесімен жүйткітіп жер мен көкті,
Неткен ұлы құдірет меңгеріп тұр...



Пікірлер (0)

Пікір қалдырыңыз

Құтқаршы

  • 0
  • 0

Тіршіліктің әр секунды сынақ бір,
Емтиханға есті жауап сұрап тұр.
Жүрек төрі орын берсе Аллаһқа,
Жол көрсетер болады сол шырақ нұр.

Толық

Аллаһтың жасалды әлем пішімімен

  • 0
  • 0

Аллаһтың жасалды әлем пішімімен,
Дәл мынау бүгінгідей пішінімен.
Адамды Хауанамен бір жұп етіп,
Сынаққа жер бетіне түсіріп ең.

Толық

Жүректе шоқтанған қоламта қоздайды

  • 0
  • 0

Жүректе шоқтанған қоламта қоздайды,
Мың жылдық дертінің дерегін қозғайды.
Жүгінді Аллаға әмірін тыңдауға,
Әлемін түсініп әдептен озбайды.

Толық

Қарап көріңіз