Өлең, жыр, ақындар

Күн нұрынан күнде ерте қуаттанып

  • 10.03.2021
  • 0
  • 0
  • 579
Күн нұрынан күнде ерте қуаттанып,
Көк аспаннан көңілге шуақ тамып,
Жан қалауы жамырап жақсылыққа,
Шұрқырайды жылқыдай суат барып.
Бірі – жайдақ, ой айтар, бірі – қабат,
Шешеннен сөз, ақынның жыры қалад.
Адамдықтың арасын жалғап тұрар,
Жүрегіңнің пердесі – жылы қабақ.
Басқасының барлығы оты біткен,
Ете алмайды пейілді өсіріп кең.
Шын өмірің – Иеңді таныған күн,
Тұрады екен өзгесі өтіріктен.
Танысқаның келесі... аруменен,
Достасқаның қан тілер қаруменен.
Жар басынан ұшырар жол секілді,
Орындалмас онымен зәру деген.
Ән ем делік, пендеге күй ем делік,
Аумас жүгім – арқалы түйем делік,
Бәрі бекер,
Жүректе отырмаса
Жаратушы сүйенген Иең келіп!



Пікірлер (0)

Пікір қалдырыңыз

Жүрегіңде кір бар екен күңгірттеу

  • 0
  • 0

«Діннен өлең бұрын болған» – дейсіз бе?
Шайтан түртіп миға түсті ой сізге.
Әсершілдік қателікке жетелеп,
Басыңыздың қамын ғана жейсіз бе?!

Толық

Кездесесің қайғыға да, күлкіге...

  • 0
  • 0

Кездесесің қайғыға да, күлкіге...
Түскен шақта жұлдыз туып, түн түре,
Өтті әлемнен дүние қуған бір бейбақ,
Мәңгі иесі бола алмай бір мүлкіне.

Толық

Аллаһтың жасалды әлем пішімімен

  • 0
  • 0

Аллаһтың жасалды әлем пішімімен,
Дәл мынау бүгінгідей пішінімен.
Адамды Хауанамен бір жұп етіп,
Сынаққа жер бетіне түсіріп ең.

Толық

Қарап көріңіз