Өлең, жыр, ақындар

Айтпашы бірақ ешкімге…

  • 31.03.2021
  • 0
  • 0
  • 574
Жанымды дерттей меңдеп қалсаңшы,
Сарғайған Сары Күз керім.
Еріндеріммен емдеп алсаңшы,
Жүректегі сезім іздерін.

Жасындай, сірә, сөне көрмеші,
Жарқырап тұрып кенеттен.
Ғасырға мына сене бермеші,
Өткен бе өмір електен?

Арман таңыңнан мені көрсеңші,
Жанымды тосын тылсым ғып.
Өмірді бірге келіп өрсеңші,
Саусақтарыңнан мұң сырғып.

Жүректі, шіркін, ойландырайық,
Түнімен көзін ілдірмей.
Алтыбақанды айналдырайық,
Құрбыларыңа білдірмей.

Бір жолда тағдыр түйісе қалсын,
Ғайып боп жаннан ес мүлде,
Еріндеріміз сүйісе салсын,
Айтпашы бірақ ешкімге…



Пікірлер (0)

Пікір қалдырыңыз

Кешіріңіз...

  • 0
  • 0

Біз жиектен жылай құлаған,
Метеорит - сый боламыз.
Жерде де жанарын жасқа бұлаған,
Пендеміз күннен, түннен, сырт-сырт сағат үнінен -

Толық

Өлеңімнің киесінен қорықтым

  • 0
  • 0

Алагеуім шақтан қашса еріп-түн,
Сезімдердің шеруінен шер ұқтым!
Өміріме нүкте қойшы, қанеки,
Көңіліме құлап кеткен көріктім!

Толық

Ол мені сүйеді бәрібір!

  • 0
  • 0

Жалындап тұрып-ақ жанары,
Булығып, ішінен жылайды.
Алмадай домалақ анары,
Әлі де ұнайды, ұнайды.

Толық

Қарап көріңіз