Өлең, жыр, ақындар

...тіледім...

  • 31.03.2021
  • 0
  • 0
  • 523
Көкірегімде күйі ойнап күдіктің,
Қарқылдаймын қарға құсап мен неге?
Жымиюды һәм күлуді ұмыттым,
Күлдірме де, бүлдірме де, емдеме...
Қарқылдаймын қарға құсап мен неге?
Адамдығым ар астында тапталып.
Түсініксіз менің жайым пендеге,
Жарытпаспын мен де оларға ақталып.
Жарытпаспын мен де оларға ақталып,
Жалқы себеп: Дүнияға бөтенмін.
Бес күндіктің табанында тапталып,
Марғау тірлік күнәсін де - көтердім.
Марғау тірлік күнәсін де көтердім,
Кінәлі боп кетпеу үшін ғайыпқа.
Сөйте тұра періште емес екенмін,
Бұйырмаңыз айыпқа...
Бұйырмаңыз айыпқа...
Артық айтсам жазаласын жүрегім.
Періште боп аттануды ғайыпқа,
Өзіме емес, өзгерлерге тіледім...



Пікірлер (0)

Пікір қалдырыңыз

Періште қыз!

  • 0
  • 0

Жүрегімде жүзіңнің табы қалған,
Жанарымнан жылжыды ағып арман.
Сені сүйіп құтқарғым келді өзімді,
Асқақ тұру үшін де жабылардан.

Толық

Көзіңдегі оқылмаған өлеңді…

  • 0
  • 0

Түсін, гүлім, әлде мені түсінбе,
Дидарыңды жүрегіме тоқығам.
Жан біткенге көрінбейтін пішінде,
Көздеріңнен өлең болып оқылам.

Толық

...тірі болсам...

  • 0
  • 0

Қою қара іңір...
Менің көгім күрсінеді
Талып жетіп құлақтарға дауысы...
Қалаға әрең жеткен бұл дыбыс...

Толық

Қарап көріңіз

Басқа да жазбалар