Сен екеуміз оңаша кете бердік

Сен екеуміз оңаша кете бердік,
Қолымыздан келмейтін бөтен ерлік.
Көбелектей қыз едің көп нәрсені
Қанатында қауқар жоқ көтерерлік.
Кете бердік екеуміз арман мініп,
Бірімізді біріміз алдандырып.
Аспан ғана біздерге пана болды,
Күмбезіне жағалай маржанды іліп.
Сен екеуміз далада жүре бердік,
Болмашыға баладай күле бердік.
...Қол ұстасып елеске айналдық та,
Көкжиекке ақырын сіңе бердік.

---