Өлең, жыр, ақындар

Бірдеңе қосатындай көшіңе мен

  • 15.04.2021
  • 0
  • 0
  • 404
Бірдеңе қосатындай көшіңе мен,
Жындымен жынды болдың, есіл өлең.
Әркім тартқылаған төсіңе мен,
Жармасқанмен шандырдың несім емем?
Абайдан мынау әлем артылмаған,
Олардан аса алмаған салтың жаман.
Қалғанын Мұқағали жиып-терген,
Мәлім боп қалды бүгін артың маған.
Сен едің текті ақынды оңдырмаған,
Мен бе екем жон арқасын жондырмаған.
Керегі көген еді маған-дағы,
Несіне өлең шіркін қондың маған.
Міз бақпас айдындағы қалтқы-қалам,
Білмеймін, нені өмірден арттыра алам?
Менің де сен қызығар ештеңем жоқ
Көш кейін қу төсіңді тартқылаған.

1995 жыл, қыркүйек



Пікірлер (0)

Пікір қалдырыңыз

Табыстым құран оқып ұлы күнмен

  • 0
  • 0

Табыстым құран оқып ұлы күнмен,
Өзімнің болмысыммен, тұнығыммен.
Мұхаммед – пайғамбарым, Құраным - шын,
Құдайдың, әлхамдулла, құлымын мен!

Толық

Өмірімді менің де созыпты мұң

  • 0
  • 0

Өмірімді менің де созыпты мұң,
Әлденеден, білмеймін, көзікті ырым,
Желге беріп бетімді желпінейін,
Бара жатыр бекерге тозып түрім.

Толық

Әкемді еске алып...

  • 0
  • 0

Түсіме кірші менің, кірші менің,
Мен-дағы тіршіліктің дүрсілі едім.
Неге сен алыстадың менен, әке,
Жанымды жалғыздық жеп күрсінемін.

Толық

Қарап көріңіз