Өлең, жыр, ақындар

Атилла (Еділ)

  • 15.04.2021
  • 0
  • 0
  • 799
IV-V ғасырлар

Айбыны асқан Атилла,
Қыпшақтарды ел еткен,
Көшпенділер көсемі,
Керегесін кең еткен.
Еуропаны шаңдатқан,
Ашылмаған сыр қалды,
Бағындырған өзіне,
Кавказ бенен Бұлғарды,
Атиллаға қарап ап
Біліп ал, ұрпақ, тұлғаңды.
Еуропада Римнің
Қан қылышы ойнаған,
Атиллаға жансыздар
Қысастығын ойлаған,
Қаннан өзен ақса да
Бұл қара жер тоймаған,
Дес бермейтін Римді
Ер Атилла жайлаған.
Көшпенділер көсемі,
Қыпшақтардың данасы,
Куә болған бәріне
Қаталауын даласы,
Менменсіген батыстың
Келмейді емес шамасы,
Ғалымдардың әлі де
Бар осыған таласы
Атилласыз елімнің
Жазылмаған жарасы.
Ер Атилла шынында
Өр мінезді болса да,
Сенгіш екен кісіге,
Жанында өрт жанса да.
Халықпен бірге күн кешіп
Бола білген панасы,
Ер Еділге бас иер
Бүкіл қыпшақ баласы.
Атилламен толыққан
Түркістанның санасы.



Пікірлер (0)

Пікір қалдырыңыз

Пенделер істейді екен өз дегенін

  • 0
  • 0

Пенделер істейді екен өз дегенін,
Ал менің сәл бөлектеу көздегенім,
Халықтың датын айтып өтсем деп ем
Жүрекке салғаннан соң сөз көгенін.

Толық

Тумын қаған

  • 0
  • 0

Басын қосқан Ғұндардың
Тумын деген ер еді,
Әлі күнге өшпеген
Ерлігі мен дерегі,

Толық

Аңсағаным көп еді бұл өмірде

  • 0
  • 0

Аңсағаным көп еді бұл өмірде,
Бас байлайтын жан емен тірі өлімге.
Қол жеткізбей барады арман шіркін,
Өлең, шарап отырмыз, міне, бірге.

Толық

Қарап көріңіз