Өлең, жыр, ақындар

Түлемедім, қаншама

  • 02.05.2021
  • 0
  • 0
  • 482
Түлемедім, қаншама,
жүдемедім,
үйіріліп ұршықтай,
үдегемін,
қыр төсінде халыққа жыр оқыдым,
жұрт есінде қалып па бір өлеңім?
Екіленіп,
қалай да,
екпіндедім,
шаң қаптырып талайға кеттім, дедім.
Көзімді ілмей жүрем де күні-түні,
өзім білмей келемін — өткір ме едім!
Құлагермен құйғытып қыр төсінде,
тыңдағы елдің түнегем күркесінде,
бағым менің сонда да жанбады ма,—
қалмады ма бір сөзім жұрт есінде!
Шығып та жүр жұқалтым кітаптарым,—
жырға сусар жұртыңды жұтатпадым.
Менікі деп біресе елдің төрі,
көр білтелі көңілді тұтатқанмын!
Күміс болып шықпай ма күрегенім:
бір тіріліп күніге,
бір өлемін,—
аң-таң болып сонда да жүрмін, бала,
кімнің ғана аузында жүр өлеңім!



Пікірлер (0)

Пікір қалдырыңыз

Еске алу

  • 0
  • 0

Қайран менің қасиетті,
нұрлы Анам,
қанша ғана қызығыңды ұрлағам! –
Алыс кетіп,

Толық

Даласында майданның

  • 0
  • 0

Даласында майданның
жағасында Сайранның
өтті-кетті, не керек,
қарымтасыз қайран күн,

Толық

Өткенге де

  • 0
  • 0

Өткенге де,
кеткенге де мұң шығып,
басыңызға не күн туды мұншалық,
бұрын да сөз ермеп пе еді соңыңнан,

Толық

Қарап көріңіз