Өмір деген – Нұрсұлтан Мейірбекұлы

Бұл өмірдің ақ қарасын көргенбіз,
Көре тұра дегеніне көнгенбіз!
Алма-кезек өтіп жатқан өмірге,
Біз уақытша келгенбіз!

Тіршілігің тұрмысыңмен мәнді емес,
Өмір жалған, жетелейтін жанды елес!
Мәңгілікке жетер азық жинасаң,
Әттең өмір мәңгі емес!

Кейде жүріп тағдырыңа бағынбай,
Тәңір берген сара жолға салынбай!
Өмір деген сенесің бе тым қысқа,
Бір қамшының сабындай!

Сақтай білсек сергелдеңде сабырын,
Тура жолға бағыттайды Тәңірім!
Мына өмірде біз білмейді екенбіз,
Тірі адамның қадірін!

Пенделерді пейілдері емдейді,
Еңбегінің шырақтары сөнбейді.
Өмір мынау алма- кезек ауысқан,
Кеткен қайтып келмейді.

Сонда-дағы таға алмаймын елге мін,
Біз білмейміз өзгенің не көргенін.
Бір-біріне мейіріммен қараса,
Арманы жоқ пенденің.

Жүректерге иман отын жандырсаң,
Айналаңды тамсандырып таң қылсаң,
Бұл өмірде үлкен бақыт деп білем,
Артыңа із қалдырсаң...

Авторы:Нұрсұлтан Мейірбекұлы
Insta: sunadillaev
Авторды белгілеуге міндеттісіз!