Өлең, жыр, ақындар

Отпын дер едім, шоқпын дер едім

  • 31.05.2021
  • 0
  • 0
  • 1075
Отпын дер едім, шоқпын дер едім,
онсыз да күймей тұрмыз ба;
ғашық боп көрген жоқпын дер едім
өзіңнен басқа бір қызға.
Бәрібір оған нанбайтыныңды,
қалмайтыныңды бұл елден,
ұсынып үшкіл балдай тіліңді,
алдайтыныңды білем мен!
Көңілім содан жиі мұңданса,
ұға да қойсын мұны кім,—
Ішімде кеткен күйігім қанша,
ішілмей кеткен тұнығым.
Шағымда мынау шашым ағарған,
ауғанда мезгіл бесінге,
қысылмай сенің қасыңа барған
қызық сәт қана есімде.
Пәлені басқа үймей түбінде
кету ме мақсат ендігі,—
орынсыз отқа күймейтінің де,
сүймейтінің де белгілі.
Қызығын менен аяды қашан,
думанды,
тойлы,
дулы өмір,
Қалпында бірақ баяғы масаң
тоймай-ақ қойды қу көңіл!



Пікірлер (0)

Пікір қалдырыңыз

Тұңғыш президент туралы талғам

  • 0
  • 0

Тұңғыш президент туралы талғам
Тәңірім бере ме деп бар тілегін,
Ел бастап ертеңдерге тартып едің,
Сәкен Иманасов

Толық

Інілерге реніш сөз

  • 0
  • 0

Жел өтінде тұра қалған топсыңдар,
әлі сендер көретін де кеп сын бар.
Дара құрмет дәметердей әзірге
жеке шауып жау түсірген жоқсыңдар!

Толық

Әкемнің бір құрдасына

  • 0
  • 0

Қалжырапсың, қартым-ай!
Қартайдың ба?
Жатырқамай,
Жастық бар,

Толық

Қарап көріңіз