Өлең, жыр, ақындар

Айнала ағайынға жүрген ұнап

  • 31.05.2021
  • 0
  • 0
  • 427
Айнала ағайынға жүрген ұнап,
көңілің бірде көл де, бірде бұлақ,
аға да жаға болғың келгенімен
аласың ара-тұра сыр беріп-ақ.
Сырт көзге көрінсем деп "тірі мықты",
іздейсің езінде жоқ ірілікті,
мәрттікке жаралмаған майда тірлік
әзірге ақтамай-ақ жүр үмітті.
Әп-сәтте әдіра қап бар ынтымақ,
айнала жібересің тарылтып-ақ.
Содан да саған деген біздің көңіл
қояды ауық-ауық қалыңқырап.
Үйренген ескі әдетті өлі сақтап,
кетесің кешегіңнен сәл ұсақтап, —
адамның созылмалы пенделігін
ешқандай ала алмайды нар ісі ақтап.
Сырыңды біліп болған Алаш анық,
ендеше несіне біз таласалық:
берерде қаншалықты биіктесең,
кетесің алар кезде аласарып.
Айнала ағайынға жүрген ұнап,
көңілің бірде көл де, бірде бұлақ.
Текті де бетті болғың келгенімен,
қоясың ауық-ауық сыр беріп-ақ!..



Пікірлер (0)

Пікір қалдырыңыз

Ғашық болған жоқ шығармын

  • 0
  • 0

Ғашық болған жоқ шығармын,
кешір мені, қылықтым,
солқылдаған көк шынардың
саясында тынықтым.

Толық

Ойдан-қырдан жиналған

  • 0
  • 0

Ойдан-қырдан жиналған,
Ойһой, неткен көп құдай!
тіліме еріп,
иланған

Толық

Өкпелеп итіне де

  • 0
  • 0

Өкпелеп итіне де,
битіне де,
бұзылып бара жатыр ұйқы неге,—
күлді ме қайдағы бір сұмырайлар,

Толық

Қарап көріңіз