Өлең, жыр, ақындар

Қызығудан мен таймай

  • 31.05.2021
  • 0
  • 0
  • 594
Қызығудан мен таймай,
қызуыңнан сен таймай,
қатар келе жатырмыз қызығымыз ортаймай,
Ішкен асым бойыма тарамастай көрінер,
жастық алып
жаныңа жарты сағат жантаймай.
Жұлдызыңның жанғанын сен тілемей, мен тілеп,
жұғын болмай жалғаның, жанып-күйіп елтіп ек,
жарқыраса жанарың, жадыраса қабағың,
қазан-ошақ сылдыры кетер еді тентіреп!..
Көңіліңнен көз жазып қалар бол сам сәтке бір,
кермек тати бастайтын сияқтанып тәтті өмір,
қызуынан
қырық жыл қоса ағарған қосақтың
отындай-ақ ошақтың шалқыр еді-ау шат көңіл!
Жұғын болмай жалғаның, жанып-күйіп алғаным,
қызуыңа тоймадым,
қызығыңа қанбадым,
өзіңде деп білем мен, төзімде деп сендегі
өмірімнің өзегі — тірлігімнің бар мәнін.



Пікірлер (0)

Пікір қалдырыңыз

Жасамай саған ғұмыры айбар

  • 0
  • 0

Жасамай саған ғұмыры айбар,
жатып атқанға не дерсің?
Жұтынып тұрса сұмырайлар,
жұртым-ау, кімге сенерсің?

Толық

Ұстазым

  • 0
  • 0

Ұстазым
Жөн айтқан кеше маған
Құлақта тұрады үнің,
Сәкен Иманасов

Толық

Мұхтар Мағауин

  • 0
  • 0

Көрінгенге етпеген сөзді шығын,
Ері қайсы, білуші ем, ез кісі кім.
Ал Сен болсаң, қашанғы хас шеберсің
қашап жатқан жалықпай өз мүсінін!

Толық

Қарап көріңіз