Өлең, жыр, ақындар

Бұл неткен ел, неткен ел?

  • 01.06.2021
  • 0
  • 0
  • 601
Полстраны — преступники,
Полстраны — охранники.
Роберт Рождественский

Бұл неткен ел, неткен ел?
Қасың да жоқ кектенер,
Досыңда жоқ өкпелер,
Бар ашуың
біреуге
кіжінумен шектелер
бұл неткен ел, неткен ел?!
Бұл қандай ел, қандай ел?
Қақтығысқа бармай ер,
қақтығысар қалмай өр,
баяғыда ұмытқан
ұяты мен арды әйел,
бұл қандай ел, қандай ел?!
Жарымаған жақсыға
кілең ғана білгіштер,
қылмыскері — сақшы да,
сақшылары — қылмыскер,
азғындаған қызына
ақыл айтқан "жүргіштер",
бұл неткен ел, неткен ел?!
Жақының жоқ өкпелер,
жауың да жоқ жек көрер,
ұры-қары әкімі,
ақынында жоқ бедел,
бұл неткен ел, неткен ел?
Аярлықты — айла дер,
қараулықты — пайда дер,
су жүректер мекені —
апыр-ау, бұл неткен ел,
апыр-ау, бұл қандай ел?!



Пікірлер (0)

Пікір қалдырыңыз

...Осы ма хордың қызын құшқандағым

  • 0
  • 0

...Осы ма хордың қызын құшқандағым,
табалап күлген шығар дұшпандарым,
ақынның елес қуған түсі ме бұл,
ісі ме Құдіреті Күшті Алланың?!

Толық

Ғабит ағаға екінші өлең

  • 0
  • 0

Отын барып үрлеймін де өзгенің,
У боп бойға тарады ма өз демің?
Сал-серісін жырлап кеттің қазақтың,
Қыз да құшқан,

Толық

Бабадан қалған сөз мәні кеміп

  • 0
  • 0

Бабадан қалған сөз мәні кеміп,
бозінген көңіл боздады делік, —
айғайға мұңы араласқан ой
қай-қайдағыны қозғады келіп...

Толық

Қарап көріңіз