Өлең, жыр, ақындар

Қасым аға

  • 01.06.2021
  • 0
  • 0
  • 536
Қасым Қайсенов
80 жасқа толғанда

Жүре алмайтын біреуді арқаламай,
Ел деп туған еңіреп мәрт ағам-ай!
Селкілдемей жеттің-ау сексенге де,
Қарын да бар қалпында, қалта да бай.
"Бөлек қой деп көкемнің күлкісі де",
Таңданбаған кісі жоқ түр-түсіңе.
Жұрт ішінде түсесің көзге де оқшау,
Қоя берген нардай боп жылқы ішіне.
Жай-күйіңді өздері сұрасын деп,
Кейде бізге тіл қатпай тұрасың көп.
Ағаларын, алдында аңқаң қағып,
Балалардың "енесін ұрасың" кеп.
Қасекем-ай, қайбірін сөз қыламын,
Көп қазақтан қатарлас озды бағың.
Қажетсізін көп сөздің естімейсің,
Қажеттісін қағып ап тез құлағың.
Көп жасаймын десең де елден ерек,
Кім бар шығып алдыңа жол бөгемек.
Қаһарманға, Партизан, полкөвник,
Профессор, Жазушыға жөн не керек!



Пікірлер (0)

Пікір қалдырыңыз

Ағаш ат

  • 0
  • 0

"Жарашы деп пайдаға",—
ағасы атқа мінгізді.
Бұл да қарап айнала,
құлға балап жүр бізді.

Толық

Марқасқа

  • 0
  • 0

Қызғалдақтай көктемде гүлдеп берген,
Су төгілмес жорғадай жүрдек келген,
Қай ақын бар бақ, талант түгел дарып,
Қалам алған шақтан-ақ құрмет көрген?!

Толық

Ауыр тиіп өмірдің өткелдері

  • 0
  • 0

Ауыр тиіп өмірдің өткелдері,
арғымағым арыды,
көп терледі,
жетпей қалып жүреді созған қолым

Толық

Қарап көріңіз