Өлең, жыр, ақындар

Жесір жыры

  • 23.06.2021
  • 0
  • 0
  • 742
Ей, жiгiттер – алмас қылыш, ақ сүңгi!
Жаным сезер жаманыңды, жақсыңды.
Ала құйын алып-қашпа ат сынды
Қоя тұрсаң неттi жеңiл нəпсiңдi?!
Қоя тұр да... Жанарыма қарашы,
Қандай екен ағы менен қарасы?
Аз демейiн, көп демейiн – көк пен жер
Жезөкше мен жесiрлердiң арасы!
Жезөкшенi сəттiк сезiм билейдi,
Жесiрлердi ақтық төзiм билейдi.
Жесiр жаны кез келгенге иiмейдi,
Өртен, мейлi,
Өз отыңа күй, мейлi!
Жесiрмiн мен.
Ал, жесiрдiң жасы көп...
Аялай бiл,
Аяғаның – қасiрет!
Мүсiркесең мүлəйiмсiп мүттəйiм,
Жанарымнан ұшқын атар жасын, от!
Алдар болсаң алтын жүзiк, алқаңмен,
Арбар болсаң қазынаңмен, қалтаңмен,
Көз жасымды мойыныңа артам мен,
Не болмаса, басыңды алам балтаммен!
Ерте кеткен деп ойлама əр менен,
Еркелетсең, ерiнiмнен бал берем.
Өнбойыңа оттай ыстық денемнен
Жалын берем, жай табардай жан-денең.
Құлықтыға қылықтымын, қыздаймын,
Есiрiкке есекдəме – мұздаймын!
Əйел жаны – ашылмаған сырсандық,
Сандық құлпын оңайлықпен бұзбаймын.



Пікірлер (0)

Пікір қалдырыңыз

Ес жиғанда жолығып Елесiммен

  • 0
  • 0

Ес жиғанда жолығып Елесiммен,
Шығара алмай жүрмiсiң менi есiңнен.
Бiрге бола алмасақ,
Ғайып-ана

Толық

Аға рухына

  • 0
  • 0

Аға рухына
Сен бізден озып кеттің, озып кеттің,
Азаны мен ғазалын созып көктің.
Кеңпейіл кеңістікті кезіп кеттің,

Толық

Алдау, арбау, мəймөңкелiк, мекерлiк

  • 0
  • 0

Алдау, арбау, мəймөңкелiк, мекерлiк..,
Бiр басыңа барлық өнер жетерлiк.
Жан-тəнiмдi жаулағаның – бiр ерлiк,
Балдай балқып баурағаның – екi ерлiк.

Толық

Қарап көріңіз