Алғыс

Аллаға алғыс,
Нығметін бізге жаудырған,
Иманның отын жүректерге жандырған!
Бабаға алғыс,
Кең байтақ жерді қалдырған,
Ұрпағы үшін, саралы жолын салдырған!

Ұлтыма алғыс,
Жұртыма алғыс, білесің,
Қазағым деген-тариxта таңба ұлы есім!
Патшаға алғыс,
Пайымға құлақ түресің,
Қосатын ел деп,еңбекпен терлеп үлесін!

Атаға алғыс,
Баталы сөзін білдірген,
Өсиетінен өнеге алдық бір-бірден!
Әжеге алғыс,
Санаға тәлім сіңдірген,
Немере жанын, әжеңдей сені кім білген?

Әкеге алғыс,
Беретін бізге бағдарын,
Бақшада өскен, баласын ойлар бағбаным!
Анаға алғыс,
Ақ сүттің берген бал дәмін,
Бесіктен түзер баланың тәлім,талғамын!

Бауырға алғыс,
Бауырым дескен бір-бірін,
Жанашырлықпен жиналмай жаппас түндігін!
Ауылға алғыс,
Шығарған талай дүлдүлін,
Бағалы маған, тауменен тасың, мың гүлің!

Туысқа алғыс,
Бәріне ортақ болатын,
Есігін ашып,құшағын жая салатын.
Достарға алғыс,
Қадірі достың дара тым,
Сыналған сәтте, шешімін істің табатын!

Айтылар әлі,айтылар әлі, сыр білем,
Жүректен шықсын жыр кілең,
Бүгінгі алғыс күнінде,
Бәріңе алғыс білдірем!
Бәріңе алғыс білдірем!

---