Сәкен Иманасов

Қайқы бел

Бұл бетте «Қайқы бел» атты Сәкен Иманасов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

14.07.2021
0
0
642

Қайқы бел,
қаз омырау
қардай ақ қыз,
(қыз десе қашан ғана малды аяппыз),
жатып ек шалқып-тасып,
жеті атадан
бақ-дәулет үзілмеген жандай-ақ біз.
У мен бу бойымызға тарап ыстық,
шәй іштік,
шампан іштік.
шарап іштік.
Жұмақты жанап ұштық...
жерге түсе
бүлініп іштей ғана...
тағы алыстық.
Біріміз-бірімізді мытып қашып,
ойнадық мытып қашып,
қытықтасып.
Сен жаттың шартараптан мұңдас іздеп,
мен жаттым бал шараптан жұтып,.. тасып.
"Қызығы жұмағыңның осы-ақ па? — деп,
бір жерге ойымызды қосақтап ек.
...бұл кезде шампан толы шөлмегің де.
кешегі көл көңіл де босап қап ед!..

Сәкен Иманасов қайқы бел Сәкен Иманасов өлеңдері

Пікірлер (0)

Пікір қалдырыңыз

Жиі қойылатын сұрақтар