Өлең, жыр, ақындар

Алақанымнан ұшқан аққуым

  • 15.07.2021
  • 0
  • 0
  • 3012
Жанарға

Алақанымнан ұшқан аққуым,
Барасың ұзап шалғайға,
Қанатың, қалқам, талмай ма?
Жаныңа медет болғай да
Жазылған тағдыр маңдайға.
Желкiлдеп өскен құрағым,
Еркiндеу өскен, шырағым.
Əкеңнiң бар ма арманы,
Табылса теңiң, сыңарың.
Қарлығаш қанат, қарағым,
Қайырлы болсын қадамың.
Өзiңсiң ендi елшiсi
Енжайлау – екi араның.
Алақанымнан ұшқан ақ құсым,
Бiр үйге сен де бақпысың...
Алыстап бара жатқаның
Арқама менiң батты шын.
Ағайын, туыс, үй, ана..,
Жақынын жатқа қия ма:
Ақ ордаң, алтын бесiгiң –
Келiп тұр ұшқан ұяңа.
Жақсыда жаттық болар ма,
Жаманға көңлiң толар ма.
Жұбыңмен келiп тұрғайсың,
Жалғыздан-жалғыз оралма.
Қош аман, қызым, қош аман,
Көңiлiмдi қайтем босаған...
Алдыңнан ашсын бағыңды,
Аттаған жаңа босағаң.



Пікірлер (0)

Пікір қалдырыңыз

Сені күттім...

  • 0
  • 0

Айтылар əн,
Таусылып жазар шумақ,
Сенi күттiм, аяулым, азар шыдап.
Дəл осылай тағатсыз күтушi ем-ау

Толық

Күз

  • 0
  • 0

Базары құстың тарқады
Бадана көзді Балқаштан.
Бақсының күйін тартады
Жалаңқай өлке,

Толық

Күз...Қоштасу

  • 0
  • 0

Жаз бойына жапырақ жанып бiткен тəрiздi,
Өзегiнен өмiр – сөл ағып бiткен тəрiздi.
Қу ағашта қу бұтақ құлазыған көңiлдей
Қыс келуiн тезiрек талып күткен тəрiздi.

Толық

Қарап көріңіз