Өлең, жыр, ақындар

Тақуаша табынып Елес-күнге

  • 15.07.2021
  • 0
  • 0
  • 459
Тақуаша табынып Елес-күнге,
Тағдырыммен, бiлмеймiн, егестiм бе:
Сия алатын емеспiн дүниеге,
Қия алатын емеспiн сенi ешкiмге.
Сенiм менен Күдiктiң жекпе-жегiн
Мен қашанғы басымнан өткеремiн?
Жаз бен күзге көршiлес жазған басым
Көлеңкесiн қоримын көктеменiң.
Көктемiме көз сүзген көкаттылар
Сабырымды – сары алтын тонап тынар.
Шертiп қалсаң – шекемнiң тамыры iсiп,
Түртiп қалсаң – жүректен қан атқылар.
Мен Төзiмнiң тауы едiм – кенiшi едiм,
Сен Сезiмнiң бауы едiң – жемiсi едiң.
Сенiмiмнен сəт сайын секем алып,
Күдiгiммен күн сайын көрiсемiн.
Көктем мен Күз…
Жаз қайда арадағы?
Қар қылаулап, қаз ұшып барады əнi.
Арманымның ақ жiбек орамалы –
Ендi қашан көлге Аққу оралады?..



Пікірлер (0)

Пікір қалдырыңыз

«Ақын бай..» дейді əлдекім

  • 0
  • 0

«Ақын бай..» дейді əлдекім,
Жоқ, кедеймін.
Мұң шағам сырымды айтып көпке кей күн.
Өлеңді сауын сиыр ете алмасам,

Толық

Түн түндiгiн жапқалы таң ұрланды

  • 0
  • 0

Түн түндiгiн жапқалы таң ұрланды,
Тар төсекте тал бойың тағы ырғалды.
Сала құлаш шашыңнан сəл босаса,
Саусағыммен санаймын қабырғаңды.

Толық

Аузына түсе салмай, мақтаса кім

  • 0
  • 0

Аузына түсе салмай, мақтаса кім,
Абайлап аламанға ат қосамын.
Тəлімін Тəңірімнің таныған соң
Тамырын тіршіліктің тап басамын.

Толық

Қарап көріңіз