Исраил Сапарбай

Қайта тудым

Бұл бетте «Қайта тудым» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.07.2021
0
0
614

Қайта тудым,
Қайта ойнадым.
Қайта тұрдым,
Қайта ойладым.
Құз басында айқайладым,
Қыз қасында тəй-тəйладым.
Сенiң күлкiң жарасымды,
Менiң тұрқым бала сынды.
Тайып кетсем «табалайтын»
Тапқан екем жанашырды!
Сақ-сақ күлiп мəз боласың,
Нəркес көзбен назданасың.
Əлтек-тəлтек еттi-ау менi
Айдындағы аз ғана сын.
Наздан,
Мəз бол,
Күл, мазақта..,
(Кiм күлмеген бұл қазаққа)
Күллi азабың татыр ма екен
Балдан тəттi бiр лəззатқа?!

Исраил Сапарбай қайта тудым Исраил Сапарбай өлеңдері

Пікірлер (0)

Пікір қалдырыңыз

Жиі қойылатын сұрақтар