Өлең, жыр, ақындар

Қызғаныш

  • 16.07.2021
  • 0
  • 0
  • 626
Тапсам еттi бiр емiн,
Шықсам еттi еркiнен:
Жүктi болды жүрегiм
Қызғаныштың дертiнен.
Күптi болды күрсiнге,
Жегi жайлап жан-тəндi.
Сүйрелейдi құр сүлде
Сүйегiм мен қаңқамды.
Сенiм, Сезiк өзара
Қырғиқабақ аңдысып...
Көңiл – шала, көз – ала,
Жаным жапа, хал мүшiк.
Ұрғашыдан жерiдiм,
Бiрi – қайғы, бiрi – бақ.
Көңiрсидi көңiлiм
Күлiмсiреп жүрiп-ақ.
Шымылдық деп түргенiм
Шымқай қызыл жел ме екен?
Перiште деп жүргенiм
Пешенелi пенде екен.
Көп дұшпанның көзiнше
Көңiлiңдi пəс қылма.
Қаншығынан безiнсе,
Қаңғып кетер қасқыр да!
Кiмге налып, күлермiн,
Уға айналса шырыным?
Желге шашып жiбердiм
Махаббаттың ұрығын!..



Пікірлер (0)

Пікір қалдырыңыз

Індет

  • 0
  • 0

Қазақта кім ішпеген бұл арақты..,
Қайтеміз жаттан іздеп кінəратты?
Шөлмегін қолындағы шошаңдатып,
Бір тойда бір қария «уралапты».

Толық

Өзге емес, өзiме аян өз кеселiм

  • 0
  • 0

Өзге емес, өзiме аян өз кеселiм,
Уақыт құйып жатыр көзге шерiн...
Өртенген жапырағы жадау бақта
Дерт емген күндерiммен кездесемiн.

Толық

Көктем едi

  • 0
  • 0

Көктем едi...
Көрсек дедiк көктемде Көктөбенi.
Аспалы жол домбыра iшегiндей
Алматыдан бiздi алып кеткен едi.

Толық

Қарап көріңіз