Өлең, жыр, ақындар

Жүрегiмде – мың бiр қайғы, мың бiр мұң

  • 19.07.2021
  • 0
  • 0
  • 549
Жүрегiмде – мың бiр қайғы, мың бiр мұң:
Желегiмдi жел мен жылға жұлдырдым.
Сүйгенiмдi, күйгенiмдi қайтейiн,
Байқаусызда бəрiн, бəрiн бүлдiрдiм.
Махаббат жоқ...
Бəрiн, бəрiн бүлдiрдiм.
Мың бiр түн мен өтiп кеттi мың бiр күн...
Баудың күзгi iреңiндей күлгiнмiн,
Таудың күзгi сiлемiндей бұлдырмын.
Махаббат жоқ!
Бəрiн, бəрiн бүлдiрдiм,
Кiм бiлiптi қайрылмасын құрғырдың.
Жынды адамдай бiр жыладым, бiр күлдiм,
Тауға, тасқа табанымды тiлдiрдiм.
Махаббат жоқ,
Күдерiмдi мəңгi үздiм.
Жаһандағы, жапандағы жалғызбын.
Жанталасып өзiмдi iздеп, жай таппай,
Жанарына үңiлемiн əр қыздың.
Махаббат жоқ,
Мен де жоқпын, не керек...
Жоқ болған соң кiм есiркеп, елемек?
Дəл осылай өтушi едi-ау өмiрден
Отқа күйген көзсiз байғұс көбелек...
Махаббат жоқ...
Күн өткiзiп күрсiнмен,
Тiлдесемiн, күн кешемiн тылсыммен.
Ел iшiнде, өзiм емес, Елестей
Сүйретiлiп келе жатыр күр сүлдем.
Махаббат жоқ...



Пікірлер (0)

Пікір қалдырыңыз

Жастық аялдамасы

  • 0
  • 0

Естіртіп емен-жарқын шат дауысын
қонғандай базарымен баққа құсым,
Киінген қызыл-жасыл қыз-бозбала
ішіне келіп кірді автобустың.

Толық

Сені мен біз

  • 0
  • 0

Сені мен біз
Егілерміз, жылармыз,
Басымызды тау мен тасқа ұрармыз.
Таң атқаннан Тəңіріге тəуба айтып,

Толық

Сардар

  • 0
  • 0

Ажал – аяз,
Тəн емес, жан қарыған,
Қарсы амал қапелімде бар ма бұған?
Қазақ деген ежелден ақын ел ғой,

Толық

Қарап көріңіз