Əкелші

Əкелші,
ақ жүзіңді мен сүйейін,
Тамсанып: «Тағы, тағы келші» – дейін.
Өмір бойы көркіңді көзім керіп,
Өмір бойы еркіңді еншілейін.
Келші, келші, қарағым, тосшы бетті,
Қос ішектей шертейік қос тілекті.
Өмірімде қаншама қар еріді,
Көңілімнен қаншама көшкін өтті...
Көктем болып оралсын соның бəрі,
Ақ нөсерге айналып көңіл қары,
Ақ бетіңнен өптірші, өрімталым,
Өн бойыма тарасын өмір нəрі.
Айналайын, қысылма, бетіңді тос,
Оған аппақ қардайын ниетіңді қос, –
Бұлт бауырын жалаған жалқындайын
жанып-сөніп жай тапсын екінді кеш...