Қандай кінə бар дейсіз құба таңда? – Исраил Сапарбай

Қандай кінə бар дейсіз құба таңда?
Күліп шыққан күн бізді жұбатар ма?..
Құлдық ұрам Құдайдың құзырына,
Құбылаға құлқымды құлатам да.
Қандай кінə бар дейсіз мына бізде,
Көзін сүзсе қу көңіл құла дүзге.
Мединелі баз кешіп мекенінен
Мезгіл ауып барады-ау, сірə, күзге...
Қандай кінə бар дейсіз батқан күнде?
Қуандың не,
Күлдің не,
Шаттандың не?..
Жас шылаған жанарым жаутаңдайды
Жас қабірді жастанып жатқан гүлге.
Қандай кінə бар дейсіз бұл жалғанда? –
Жазған құлы Құдайдың күнде арманда.
...Тағдырыма мың мəрте тəуба айтамын,
Қайта түлеп табиғат бүр жарғанда.