Табылар ма тағдырдан тілегенім?

Табылар ма тағдырдан тілегенім?
Тəңірім-ау, кім жазар жүрек емін?
Қармап жүріп қайғыны құшамын да,
Таңдап жүріп тақырға гүл егемін.
Осы ма еді ендігі жетпегені? –
Шер жетелеп барады шетке мені.
Күздің күйкі күйіне күмп беремін,
Күтіп жүріп жыл бойы көктемені.
...Таудан түсіп келеді тұман бері.
Көңіл шіркін онсыз да күмəнді еді.
Елес қуып кетейін ел жағалап..,
Қу дүние, қуыстан шығар мені!

---