Өлең, жыр, ақындар

Тағдыр

  • 21.07.2021
  • 0
  • 0
  • 498
Жадымнан шықпай жарлы күндерім,
Жабықсам, жылап жолығар.
Қайран да қайран тағдырым менің,
Қалың да қалың соры бар.
Жүрегім көнбей ақылға кей күн
Жүзімен ойнар семсердің.
Арманы бұлдыр ақын ба деймін
Əлемде мынау ең шерлің?
Өңімде – ойран, түсімде – бүлік
Өрттейін өршіп бел алған.
Қырық жыл қырғын ішінде жүріп
Бір күнім бар ма демалған?
Қасарып баққан халі бар меңде
Қақпанға түскен қасқырдың.
Тағдырды тəркі танығанмен де
Басымды тау мен тасқа ұрдым.
Кім керек етер мендейді бүгін,
Қашқалы қашан қадірім.
Білмеймін...
Жəне келмейді білгім –
Қалады қайда қабірім...



Пікірлер (0)

Пікір қалдырыңыз

Іңгіл-ай

  • 0
  • 0

Жамырасқан, жайнасқан
Жұлдызды аспан, айлы аспан,
Қызық-думан үй іші
Қыз-бозбала жайғасқан.

Толық

Əйел заты

  • 0
  • 0

Əйелдiң етегiне құйын құмар,
Көз сүзсе, көрiнгендi үйiр қылар.
Бұқаға бетiн берiп тұрғанымен,
Өгiзге мөңiрейтiн сиыр бұлар.

Толық

Екі байлық

  • 0
  • 0

Бір басыма екі байлық бұйырмай,
Қашқан Бақыт қанды ойнатты-ау құйындай!
Тұнығыма түкірем де түңілем,
Тұлыбына мөңіреген сиырдай.

Толық

Қарап көріңіз