Бесік

Баршаға бұл фəнидің бəсі қымбат,
Бақыттың қойған қайғы басын улап.
Ойлауға уақыт көп оңашада,
Ойнауға уақыт жоқ жасырынбақ.
Өлген соң жұмақ болса баратының,
Қаңғырып қайда қалмақ қара түнің?
Тамұқта, ұмытпайық, Тайқазанның
Астына лаулатып от жағатынын.
Жұмағың жұмбақ болса, несі жұмақ?
Одан да жарық күннің есігін қақ.
Жанары сөнбеуі үшін бұл жаһанның
Барамын тозаққа да бесігімді ап!

---