Өлең, жыр, ақындар

Өтті өмір

  • 22.07.2021
  • 0
  • 0
  • 997
«Өмір дегенің – бір күндік сəуле екен ғой…»
Мұқағали

Өтті өмір нөсерлетіп, жауындатып,
Селдетіп,
Борандатып,
Дауылдатып, –
Күнімді күркіретіп, дүркіретіп,
Жүгімді жүрген сайын ауырлатып.
Өтті өмір алай-дүлей қас қағымда,
Жай ойнап жазатайым аспанымда.
Ажалым аңдып отыр аяқ жақта,
Кемпірім қалғып отыр бас жағымда.
Жанарым жасаурайды əлденеге…
Жаратқан жан-денеге əл бере ме?
Шапағын шашыратып шартарапқа
Құдай-ау, тағы да бір таң келе ме?!
Құдай-ау, тағы да бір күн келе ме?!
Күн көзі зіл денеге нұр бере ме?
Тұншығып кеудемдегі сəби сəуле,
Тіршілік келмей жатыр тілге неге?
…Өтті өмір,
Амал қанша,
Шарам қанша.
Қай заман қайта туып, жаралғанша?..
Келмеске бетім бұрдым,
Не тындырдым?
«Той тарқар, – деген бар, – таз таранғанша».
Өтті өмір…



Пікірлер (0)

Пікір қалдырыңыз

Тыныштық таңы

  • 0
  • 0

Бұлаққа құлақ тостым күліп аққан,
Жеткендей бұлбұлдың да үні бақтан.
Оянды шымылдықтың аржағынан
Ажары перизаттай тұнық ақ таң.

Толық

Құс

  • 0
  • 0

Өлгеннен соң мың сұңқылда, мың қайғыр,
Енді қайтып тумайды ғой мұндай жыр:
Қыстыгүні қауырсыны түлеген
Құстың үнін құба таңнан тыңдай жүр.

Толық

Менің Мәжнүн – жүрегім

  • 0
  • 0

Кiмге керек бұл жүрек сен ұқпаған?!
Күз гүлiндей күн сайын семiп барам.
Кең дүние тұрғанда,
Кеуде деген –

Толық

Қарап көріңіз