Өлең, жыр, ақындар

Күрсініп салдық…

  • 22.07.2021
  • 0
  • 0
  • 571
Күрсініп салдық…
Неліктен, неге күрсіндік?
Түбіне түннің түсіп кетті ме бір Шындық?
Селк ете қалып неліктен, неге қымсындық?
Елп ете қалып Елеске қолды ұмсындық.
Түбінде түннің тұншықса қайтем Шындығым?
Жындының кейпін кешетін, бəлкім, күн бүгін?
Ағарып таңым… ашылса екен түндігім,
Омалып барып оңалса екен тірлігім.
Күрсініп салдық…
Жатыр ма екен іште мұң,
Еңіреп тұрып ернімді неге тістедім?
Су екен десем…
У ма еді ұрттап ішкенім,
Апыр-ай, Алла-ай, қандай бір күйге түскемін?
Не болып жатыр Адамда?
Мынау ғаламда?
Тайғанап кетсем табанға тіреу табам ба?
Тар жолда, əлде, тағдырым түсіп талауға,
Шындықпен бірге жұтылып кете барам ба?..



Пікірлер (0)

Пікір қалдырыңыз

Бақыт қолда сусиды сынаптайын

  • 0
  • 0

Бақыт қолда сусиды сынаптайын,
Сынаптайын сырғиды күн, апта, айың...
Ай, жұлдызды əпер деп аспандағы
Артық-ауыс жүрекке жүк артпайын.

Толық

Түнгі қонақ

  • 0
  • 0

Жанымды түртіп жəй жатқан
Келіп бір қалдың қай жақтан?
Жəннаттың Періштесі ме ең,
Жанарын нұрмен жайнатқан?!

Толық

Алқара көк қандай əсем, айшықты?!:

  • 0
  • 0

Алқара көк қандай əсем, айшықты?!:
Анам көмген таба нандай Ай шықты.
Ақ шабақтай шоршып қашқан қармақтан
Жұлдыздар да жамырады жан-жақтан.

Толық

Қарап көріңіз

Басқа да жазбалар