Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Ержан Қабышұлы Қабанбай

Мұқағалиша

Бұл бетте «Мұқағалиша» атты Ержан Қабышұлы Қабанбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

BuraNaiman
01.07.2024
0
0
621

Мұқағалиша

Естігенде биліктің былықтарын,
Жамай алмай жүрсе ел жырықтарын,
керең болғым келеді, керең болғым,
Түсінбейтін тұрса да көріп бәрін.

Бұзылғанын жастардың көз көргенде,
Ата анасы жер қарап көрге енгенде,
Соқыр болғым келеді, соқыр болғым,
Көрсем дағы жүрмін ғой көрмегендей.

Белсендіні мен тілшіні қаматады,
Шықса бейбіт шеруге оқ атады,
Мылқау болғым келмейді, мылқау болсам
Әділдікті қалайша орнатамын.

Мықтылары қазақтың безінгенде,
Көріп, естіп, айта алмай езілгенде,
Жынды болғым келеді, жынды болғым
Жалғандығын жалғанның сезінгенде.

мұқағалиша BuraNaiman өлеңдері

Пікірлер (0)

Пікір қалдырыңыз

Жиі қойылатын сұрақтар