Өлең, жыр, ақындар

Сүйініш жыры

  • 03.08.2021
  • 0
  • 0
  • 614
Копетдағгың бауырында,
Берді ағаның ауылында,
Бір ұяда жеті шынар,
Бойы сындар, басы мұнар.
Сегізінші Феруза қыз
Ел аузында еді аңыз,
Бөленіп бүр торқасына,
Жеті ағаның ортасында,
Бұлғақтаған ол нашында,
Қалай аңыз болмасын да!
Жоқ мінеки сол Ферузаш,
Жеті ағаның көзінде жас...
Десе біреу жел біледі.
Желге қарап телміреді.
Десе біреу көк біледі,
Көктен сұрап көп тіледі...
Бұған көп жыл өтіп еді,
Қыз хабарсыз кетіп еді.
Жақсылыққа «сүйінші» дер,
Ал, ағалар, сүйінші бер!
Ел аузында болған аңыз,
Сол аяулы Ферузаңыз
Жүрегінен ғазақлардың –
Ақындардың – «азаплардың,»
Жыр боп міне туды қайта
Мен сүйінші келдім айта.
Жақсылыққа «сүйінші» дер,
Ал ағалар, сүйінші бер!



Пікірлер (0)

Пікір қалдырыңыз

Бір толғамдар

  • 0
  • 0

Дәулетімен бола ма адам жақсы,
Көзге жиған тапқанын қолы тапшы. 
Парызынан адамдық артығырақ
Көрінетін «сырты түк» тоқты жақсы.

Толық

Аузымызда бисмілләміз

  • 0
  • 0

Аузымызда бисмілләміз,
Табынған тәңіріміз, сен!
Бұйрығын мүлт жібермей
Орындар әміріміз, сен!

Толық

Мәдениетке

  • 0
  • 0

Елуге келдің ентелеп,
Ел жұртыңа еркелеп.
Бәйбіше Медет боп балпима
Ол әзір саған ертерек.

Толық