Отағасы

Әппақ арды дал-дал жыртып,
Ойланбастан аттап еттің.
Парықтамай қылығыңды,
Қор еттің де, ұйықтап кеттің.
Бей-жайлықты өзің ектің,
Қабағыңа қарамақ кім.
Кірәсіні біткен шамдай
Өлеусіреп махаббатың.
Балаң еркін еркелемей,
Жанай алмай ығысады.
Анасына жалтақ-жалтақ,
Қабақпенен ұғысады.
Құлазыған көңіл көрдім,
Жыртық үйдей жылуы жоқ.
Бағдарсыз бос өмір көрдім
Өткелінен жылымы көп.
Шаңырақтың тіреуіші
Санап жүрген, отағасы,
Қаңқасы бар,
қалқасы жоқ,
Қалды ұяңның не бағасы?

---