Өлең, жыр, ақындар

Тура айтып қалам

  • 08.08.2021
  • 0
  • 0
  • 426
Тура айтып қалам,
Бастықтығы тұра бермейді ойымда.
Оятып алам шетін намысын бойында.
Жыланның құйрығын
Абайсыз өзім басып ап
Шегіне алмай, жұбанам:
«Тәңір біреу-ақ, мойыма!»
Ойланам:
Япыр-ау, кезімді қалай жұма алам?
Құйғытып нарықтың құлағында жүр пысықтар
Қолдарыңа сенің кім алаң?
Ар қамшылайды
Қолымды қалай жұма алам.
Көріп жүр бәрі,
Үндемегендерге қайранмын.
Мылқауға қалай айналдым!..
Өз малым түгел деп
Тілімді жұтып, япыр-ау
Үйімде, жиында қалай жайландым.
Жаным-ау,
Қайтадан қалай жаралам!
Жағымпаздыққа қалай бара алам!
Бойымда жоқты қайдан таба алам!
Ұқпады-ау мұнымды жан адам!
Үндемейтіндер...
Япыр-ай қалай мықты еді!
Қай бастық айтса да, «құп!» деді.
Қай жаққа бұрсаң да
Бүлкектей берер күреңдей...
Кім екен деймін түп тегі.
Қой! Құдай өзі сақтасын ондайдан,
Қасқайып өлу ғой,
Оқ тисе дағы маңдайдан.
Қоян бол, Суыр бол інінен ұзамас
Татар дәм таусылған күні,
Шықпай қалмайды жан бойдан.
Өлім біреу, Себебі мың сан
Гу-гу сөз,
Айтылып жатар әрқайдан...



Пікірлер (0)

Пікір қалдырыңыз

Сабаңа түс

  • 0
  • 0

Ұлы сезім! әлемге тараған іс,
Жан атаулы хош көріп қалаған іс.
Алла өзі жаратып, бойыңа егіп,
Табиғатын осы деп қараған іс.

Толық

Жайлауда

  • 0
  • 0

Тау қойнауы.
Мөлдір бұлақ.
Жағасында малшы ауылы.
Іргесінде кіл арғымақ,

Толық

Сый домбыра

  • 0
  • 0

Елімнің арқалаған мол мұрасын
Қос ішек, тоғыз перне домбырасын,
Қоңыр үн, күмбір күйге ілестіріп,
Көңілді көшіріп бір қондырасың.

Толық

Қарап көріңіз

Басқа да жазбалар

Пікірлер