Ырысланға

Он сегізге толған күніне

Ырыслан, он сегізге жаңа толдың
Басында тұрсың өтер ұзақ жолдың. -.
Алдында талай асқар асулар тұр
Бағыты, бағдары бар оң мен солдың.
Бұл жолды оңай емес өту деген,
Мақсатқа алға қойған жету деген.
Адам боп бұл өмірге келгенменен
Тым қиын адам болып кету деген.
Өмір жоқ рақатын тек беретін,
Адамдық парызын көп өткеретін.
Ар құлы азаматқа сын сәттер коп,
Болады шағын тілек шектелетін.
Өткелі қиындықтың сабыр, төзім,
Зердеңе қонсын менің осы сөзім.
Емесін байлық мұрат бағамдай біл
Қызыл деп ұққайсың зор мансап көзін.
Өмірдің кілті мынау өнер, білім,
Білімді ашар алуан өмір сырын.
Ең жақын досың болсын талап, еңбек
Қанағат, рахымға келме қырын.
Болар тек тілегінде ата-анаң
Ол жайлы баспағайсың шалыс қадам
Қадірін айналаның адалдығын
Біле алмас тек дүние қуған надан.
Сен үшін келіп отыр мынау жиын,
Зерделе, түй көңіліңе өмір сыйын.
Лайық бұл құрметке азамат бол,
Кеудеңе таупық орнап, қонсын зыйын.
Жан балам, құтты болсын он сегізің,
Бұйырсын бақытты өмір кеш теңізін.
Зиялы қауымның зор тұлғасы бол,
Ұрпақтан ұрпаққа озып қонсын ізің.
Қуаныш құтты болсын Рая, Қайрат,
Келген жұрт қуанышқа сыйын сайлап.
Береке, ырысың артып қуана бер.
Шуақты бола берсін өмірің жайнап.

---