Өлең, жыр, ақындар

Ернарға

  • 09.08.2021
  • 0
  • 0
  • 660
Ернар деп ат қойдым,
Болсын деп ер нары.
Еңбегің болсын деп
Өмірде ел қамы.
Ұққандай ойымды
Таңдадың мамандық
Мақсатқа жет, жаным,
Тілеймін амандық.
Алапат атомнан
Түтілген жерің бар.
Суалған теңізің
Суы азған көлің бар.
Тереңдеп үңілсең
Төгер мол терің бар.
Сенімді ақтауға
Аянбай кіріс сен,
Тәуелсіз еліңді
Белсене құрыс сен!
Болашаққа үмітпен
Ел артқан сенім бар.
Эколог EPHAPFA
Алла өзі болсын жар.
Еңбек ет халыққа
Күрестен жалықпа.
Қиынға кез болсаң,
Соңы деп тағы ұқпа.
Адамның өмірі
Көк толқын күрес тек,
Нар жүгі парызың
Қиынмен күресте.
Несібеңнің өзін
Табасың күреспен
Мәзірі әзір боп
Көргем жоқ үлескен.
Боркемік бор болма,
Жауыңмен тайталас,
Достыққа құшақты
Әрқашан айқара аш.
Кең ойлар кемеңгер,
Еліңнің ары бол.
Халқыңның ішінде
Ең мәшһүр нары бол.
Тілейміз құттықтап
Жиырма бес жасыңмен
Беймаза өмірде
Болсын тек қасың кем.



Пікірлер (0)

Пікір қалдырыңыз

Қабыл ал қазақ сәлемін

  • 0
  • 0

Ортаңа жаңа келсем де,
Емеспін жай бір таныс жан.
Туысым, досым қадірмен,–
Деп іздеп келдім алыстан.

Толық

Адамның кейбір сәттері

  • 0
  • 0

Тұмадан ішкен тұнық су қандай,
Шөліркеп құрғап тұрғанда таңдай.
Салқындап бойың, сарайың кеңіп,
Ақ маржан тағып алғандай маңдай.

Толық

Биіктігім

  • 0
  • 0

Бұрқырадың, тасыдың,
Төгілдің асып шараңнан.
Мен ұға алмай жасыдым,
Айнымай тұрмын балаңнан.

Толық

Қарап көріңіз