Мұратқа

Қазақтың хат танымайтын қара шалы, алтын іздеу шаруасының оқымаған геолог инженері, ауылымыздың ақсақалының бірі, Әлмұха Сәкенұлының немересі — техника ғылымының кандидаты Мурат Сәкенұлының туғанына елу жас толған торқалы тойына арнау

Дүниеге адам болып келгеннен соң
Ентелеп өмірге еркін енгеннен соң,
Арманы, мақсаты жоқ жан болмайды,
Тізгінін тағдыры түйіп бергеннен соң.
Үміт қып атыңды да Мұрат қойған,
Табылар деген болар мүдделі ойдан.
Сен шығып ата-бабаң көңілінен,
Қабілет азамат дер таптық бойдан.
Тұрғам жоқ асыра айтып, бекер мақтап,
Білем ғой сөйлеу мәнін бойға шақтап.
Көз көріп, көңіл танып білгенді айтам,
Үмітін ел-жұртыңның жүрсің ақтап.
Тәуекел етіп будың ғылымға бел,
Игердің бір белесін сүйсінді ел.
Ақ бұрқақ атқылаттың жер қойнынан
Адамзат баласына ризық дер.
Осының езі дағы үлкен ерлік,
Кез ашқан ақ маржанға дария сел ғып.
Уақытша қол байлайды ақша патша,
Қойған соң мәртебесін биік, төр ғып.
Демеймін биіктен сен күдер үзді,
Кездеген арманыңды нарық бұзды.
Бірақ бұл уақытша, күні ертең,
Сенемін жалғарыңа үзген ізді.
Сенемін алыс қадап жанарыңды,
Әлі алда сан биікті аларыңды.
Техника ғылымының докторы боп,
Жастарға, жаңаға жол саларыңды.
Аналық бұл ақ батам болсын ғасыл,
Сен жалғап арманыңды ілгері асыр.
Ұрпағың, отың басы өркен жайып,
Алдыңнан ақ жол ашсын жаңа ғасыр.

25.01.2001 жыл.

---