Өлең, жыр, ақындар

Мүслима

  • 12.08.2021
  • 0
  • 0
  • 759
Есіңде ғой, қазақта әйел күң де,
Бәсі келсе сататын малмен бірде
Сол күңдіктің ішінен көзіңді ашып,
Съезге ермен тең болып келдің бірге.
Не айтылды съезде көрдің бәрін,
Нелер болмақ, және де не болғаның
Кеше орыс әйелін «маржалар» деп,
«Діні басқа» дейтұғын молдаларың.
«Маржалар» кім? Оған да көзің жетті,
«Әйел азат болсын!» деп сөйлеп өтті,
Әр орыннан әйелдер сөйлеп жатыр,
Кім бұларды осынша азат етті?
Азат еткен Советтің үкіметі,
Теңелуге түзелді әйел беті,
Көпті көрдің, көп білдің, тәжрибе алдың,
Жасық болма, Мүслима, енді бекі!
Ел әйелі әлі де күндікте жүр,
Елге қайтып солардың ішіне кір,
Он бір болып келіңдер
Ақмоладан Ашылатын съезге ендігі жыл.



Пікірлер (0)

Пікір қалдырыңыз

Ұшқыш кемеде

  • 0
  • 0

Қара жерді қылғандай мүлде талақ,
Құс батыры, қырандай жайып қанат,
Ұшқыш кеме ішіне мініп алып,
Жоғарғы көтерілдім көкке қарап.

Толық

Екі кездесу

  • 0
  • 0

Турксиб тұлпар теңселіп,
Тайпалған жорға секілді,
Тырсылдап болат тұяғы
Желпілед желге кекілді.

Толық

Балқаштың түні

  • 0
  • 0

Түн. Кең дала қалғыған секілденіп
Үнсіз тұр. Аспанда жоқ шөкім бұлт.
Сәулесі жұлдыздардың шабақтардай,
Бір сүңгіп, бір малтиды суда тұнық.

Толық

Қарап көріңіз