Мағиза Құнапияқызы

Жол шетінде күте көрме

Бұл бетте «Жол шетінде күте көрме» атты Мағиза Құнапияқызы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.09.2021
0
0
720

Жол шетінде күте көрме,
Жолдың шеті ызғырық.
Қандай азап жолға қарау,
Көзің талып үздігіп.

Өттім бе деп, жеттім бе деп,
Келе алмай бір байламға.
Жүгіре ме қарашығым,
Тұр екен деп қай маңда.

Өтіп кетіп тұсыңнан мен,
Боламын ба шерменде.
Біреу сөзге айландырса,
Енді жете бергенде.

Тоқтай беріп басқа көлік,
Сені мазақ етеді.
Қалғандары келіскендей,
Құстай ағып өтеді.

Жеткізе ме мезгілінде,
Көк темірге сенім жоқ.
Жол шетінде тұрып алар,
Дөңгелегін желімдеп.

Мына өмірде жандар аз ба,
Ойнап жүріп от басқан.
Жол шетінде табысқандар,
Жол шетінде қоштасқан…

Ғұмыр кештім екі жерде,
Жан қалауын табар кім?
Жол шетінде күте көрме,
Дәм бұйырса барармын.

Мағиза Құнапияқызы жол шетінде күте көрме Мағиза Құнапияқызы өлеңдері

Пікірлер (0)

Пікір қалдырыңыз

Жиі қойылатын сұрақтар