Ата жұрт – Мағиза Құнапияқызы

Ата жұрт саған жетпей тынбас балаң,
Қыранды қыран деме шыңға аспаған.
Тйеп ап жырдан жасау келіп тұрмын,
Демеңдер көш оңбайды қыз бастаған.

Оралып шылбырыма бусанды бақ,
Жел күлді жетемін деп қусам бірақ.
Арманда кеткен бабам зиратына,
Көктеген сәлем айтты жусан жылап.

Күрсініп арулары бұла мүсін,
Әжелер көзге апарды шылауышын .
Құт тамған баурайынан Ала тауым,
Селт етпей бүл әуенге тұрамысың?!

Түлейтін асқақ мекен мұзда құсы,
Таудың да тасы көшіп мұздады іші.
Ағайын жетер ме екен құлағыңа,
Алтайдан талып жеткен қыз дауысы?!