Өзіне шексіз тартатын қайың

Өзіне шексіз тартатын қайың,
Қайтатын едім жыр тыңдап.
Оспанқан әзіл айтатындайын,
Күлетін бұлақ сылқылдап.

Даланы қаптап кеткен гүлдердің,
Біреуін үзбей өстік біз.
Үзілген гүлді сатып ап сиға,
Тартатын күйге жеттік біз.

Жамылып шексіз көкпеңбек көрпе,
Жантайдым жасыл кілемге.
Жусанның деміне тұншықпағандар,
Даланың қадірін білер ме?!

---