Өлең, жыр, ақындар

Уақыттың шәлісін жамылып қаралы

  • 14.09.2021
  • 0
  • 0
  • 366
Уақыттың шәлісін жамылып қаралы,
Басыңнан бір күн аунады ма ақыр?
Қып-қызыл қанға боялып тамағы,
Батыстың баба таулары жатыр.
Ұқсай ма айтшы бүгінің кешемен,
Жазмыштың жүрміз алдында жүгініп.
Қайыршылар дел-сал қаңғырған көшемен,
Көлеңкелер әне келеді жүгіріп.
Терезеңе сенің іңір қонақтап,
Күдіктер бүркеп көңілдің көзін.
Жарық сәулені сімірген аппақ,
Қараңғыдан оянған өмірдің өзі.
Кеш кірді солай,
Естеліктер ескірді,
Алыптар жазған хатқа сенейік:
«Беймезгіл үптетіп бесенесіз бес күнді,
Аналардың барады ақ шашы көбейіп!»
Кеудеңді сосын жаулайды сенің
Бір сұмдық үрей.
Лағылдар ішінде лаулайды сезім,
Дауылдар ұшырып күлкіңді дүлей.
...Кім білсін бүгін таңдана бірден,
Ес-түссіз елжіреп құшамын ба бақыт!?
Айғақ сырларын Ай ғана білген,
Қараңғы түннің құшағында жатып!!!

2003 ж.



Пікірлер (0)

Пікір қалдырыңыз

Құштарлық

  • 0
  • 0

Сезім нұры жауғанда себелектеп,
Ермен мұңға мас болған ебелектеп.
Қызыл гүлдің жабысып қауызына,
Қонса жалғыз қоңырқай көбелек кеп...

Толық

Жұмбақтас

  • 0
  • 0

...Мүжіп біткен уақыттың дауылы,
Менің мұңлы қиялымдай ескірген.
Сан ғасырлық сағыныштың жазуы
Сіңген саған һәм кеткен тым өшкіндеп.

Толық

Қоңыр кештерде өрген ойларым

  • 0
  • 0

Қоңыр кештерде өрген ойларым
Қайырусыз кеткен түзге…
Қыраулы сезім құндақтап көңіл орманын,
Қолаты қорған бола алмас қоңырқай гүлге.

Толық

Қарап көріңіз