Өлең, жыр, ақындар

Жүрмедім жыр күнделік жазып күнде

  • 14.09.2021
  • 0
  • 0
  • 746
Жүрмедім жыр күнделік жазып күнде,
Жүдеймін сәл нәрсеге азып бірде.
Баладай болмашыға өкпелеймін,
Білмеймін, сенгішпін бе, нәзікпін бе?
Өмірім бір бұтаққа ілінгендей,
Тіліне жүрегімнің тілім келмей,
Біреудің бір сөзіне қуанам кеп
Қайтадан қайтқан анам тірілгендей...
Сыртымнан «жаман» десін ұнатпаған,
Жалаңаш беріліпті жүрек маған.
Күлем де сәл нәрсеге күн шыққандай,
Бұлттанып сәл нәрсеге жылап қалам.
Ешкімге жалған күліп, жалынбаймын,
Ауырып, сәл нәрсеге ауырлаймын.
Болар бұл осалдығым, бәрін-бәрін
Баланың көңілімен қабылдаймын.



Пікірлер (0)

Пікір қалдырыңыз

Алға қарай асығып сұңқар уақыт

  • 0
  • 0

Алға қарай асығып сұңқар уақыт,
Жыр саулатып барады, шырқауға тік.
Алтын шұғыла таратып қанаттары,
Жерді туып келеді күн толғатып.

Толық

Арман ауыр, болғанмен күлкім жеңіл

  • 0
  • 0

Арман ауыр, болғанмен күлкім жеңіл,
Өтіп жатыр білдірмей бұл күндерім.
Сезім балын, ішкізіп қиял уын,
Сый алуым уақыттан мүмкін менің...

Толық

Алады ойлар мазамды текке менің

  • 0
  • 0

Алады ойлар мазамды текке менің,
Әлдекімге, өзімдей кектенемін.
жанып бір сәт,
Жалынып сүйгеннен соң,

Толық

Қарап көріңіз