Өлең, жыр, ақындар

Көңілім менің

  • 14.09.2021
  • 0
  • 0
  • 666
Көнбей баяу арна-ағысқа көңіл бір,
Өмірімнің табады екен емін жыр.
Қырау қабақ қыс айынан қар басқан
Алабұртам көктем іздеп көгілдір.
Үміттерін сұлулықтан кім үзбек,
Өшіргендей бір іздерді бір із кеп.
Қарай берем кең далаға қар басқан,
Өмір үшін өсіп тұрған гүл іздеп.
Бір өмірден бір өмірге құштармын,
Құштарлықпен көкжиекке ұшқан күн.
Ерте тұрып елегізи беремін,
Естігім кеп әнін бұлбұл құстардың.
Кей түндері көздерімді ілмеймін,
Суық ұрып тоңып тұрған гүлдеймін.
Аппақ қыстан асығамын көктемге,
Көктем маған не сыйлайды, білмеймін.
Арпалысып сезімдермен арбасқан.
Асқар таудан келеді асып таңғы аспан.
Өз-өзімнен алабұрта беремін,
Көктем іздеп кең даладан қар басқан.
Сағындырды шегірткелер өлеңі.
Уақыт ағыс тербетіп жер кемені.
Қазақы үйге қарлығаштар ұя сап
Біздің жакқа көктем қашан келеді?..
Көңілім менің алабұрта береді.



Пікірлер (0)

Пікір қалдырыңыз

Ауырмайтын жерім жоқ менің бүгін

  • 0
  • 0

Ауырмайтын жерім жоқ менің бүгін,
Жайнап тұрып солғандай көңіл гүлім.
Жаяу шамдай, бір өшіп, бір жанамын,
Өшірер ме жел үрлеп, өмір күнін.

Толық

Көктемімнің қарлығаш – қыз қонағы

  • 0
  • 0

Көктемімнің қарлығаш – қыз қонағы,
Кетер күлсең көңілдің ызғары әлі.
Көре алмастар атыңа күйе жағып,
Сенің мынау көркіңді қызғанады...

Толық

Күн өкпелеп барады

  • 0
  • 0

Оралмай жүр тіліме көптен өлең,
Өлеңсіз жер, жаңғырып көктемеген.
Күн де батып барады көкжиекке
Тіршілікке сыңаймен өкпелеген.

Толық

Қарап көріңіз