Айсұлу Рүстемова‎

Күнәһар болар ма екенмін

Қазақша өлең мәтіні, өлең жолдары және толық нұсқасы.

25.11.2015
0
0
2364

Күнәһар болар ма екенмін
Қызуын сезбей күнгейдің?
Ниеті түзу бөтеннің
Жақынымын ба - білмеймін.
Көбірек мұңым күлкімнен,
Досым да, білем, аз ұқты.
Жаным да ащы жыр тілген
Нәзіктігінен жазықты.
Сүлесоқ қалдым , аңдасып,
Ойлардан қызыл от көсеп.
Өтер ме ғұмыр жалғасып
Түсініп ерте кетпесек.
...Өлеңге қайғы шектірген
Көп күнім босқа кетті шын.
Өзімнен ғана деп түйгем
Өмірдің көрсем тепкісін.
Түнеріп аспан әлемім,
Беймезгіл жұлдыз жиі ақты.
Сарайым ішкі , әдемі
Өртеніп кеткен сияқты...

Күнәһар болар ма екенмін Айсұлу Рүстемова‎ Айсұлу Рүстемова‎ өлеңдері

Пікірлер (0)

Пікір қалдырыңыз

Жиі қойылатын сұрақтар