Өлең, жыр, ақындар

Қазақпын

  • 17.09.2021
  • 0
  • 0
  • 410
Айтқан сөзі даритын,
Тасқа жазған тарихын,
Тағдырыңның өзегіне жармасқан,
Сөздері ше!
Тіліп түсер алдаспан –
Қазақпын мен!
Ақ үмітпен ататұғын әр таңы,
Ерен ерлік қалқаны,
Ұмытпаған туған жерге парызды,
Батылдықтың синонимі тәрізді –
Қазақпын мен!
Бойын буған күш-ағын,
Досына ашқан құшағын,
Санасына ұя салған ізгілік,
Адал досым!
Саған тұрған үздігіп –
Қазақпын мен!
Қынға салып қылышын,
Осы – менің тұрысым!
Өктемдігің көңіліне жақпаған,
Дүниені табанымен таптаған,
Қазақпын мен!
Еркіндігім – Алла берді сыйымды,
Көр, бүгінгі күйімді!
Жомарттықпен бағалаған табысын,
Әлем білген абырой мен дабысын,
Қазақпын мен!..



Пікірлер (0)

Пікір қалдырыңыз

Мені іздесең...

  • 0
  • 0

Жырларымды оқы, мейлі, жыла да,
Тек жайымды сұрама!
Кей сәттерім жұлдызды сәт болса егер,
Кей сәттерім жақын шығар кінәға.

Толық

Көктемгі элегия

  • 0
  • 0

Тағдыр-сахна.
Тақырыбы – өткенім,
Басты рольде мен ойнадым теп-тегін.
Өткенімнен өрнек іздеп жүргенде,

Толық

Міністірдің монологы

  • 0
  • 0

Маған неге сансыз айып тағасың?
Бар бәлені бетіме әкеп жағасың.
... Елім үшін егілемін, езілем,
Кім біледі, еңбегімнің бағасын?

Толық

Қарап көріңіз