Өлең, жыр, ақындар

Алаңсыз саған сеніп ем

  • 17.09.2021
  • 0
  • 0
  • 417
Алаңсыз саған сеніп ем,
Айдағаныңа көніп ем...
Алмадың дедің айтқанды,
Жүрмедің дедің жөнімен –
Осылай ма едің... ей, Өмір!
Жақсыға жала жаптырдың,
Жан-жақтан қамалаттырдың.
Тажал жандарды құтыртып,
Адал жандарды аттырдың –
Осылай ма едің... ей, Өмір!
Қайнады қаным қастыққа,
Тимеді басым жастыққа.
Аша тұяқ қалдырмай,
Апарып салдың аштыққа –
Осылай ма едің... ей, Өмір!
Жаялық қылып жанымды,
Аямай алақанымды,
Қолпаштап талай соқсам да,
Жазықсыз жала жабылды –
Осылай ма едің... ей, Өмір!
Бүлдіріп алдым әнімді,
Жоғалтып алдым сәнімді.
Оспадар қолдың қамшысы
Осып бір өтті тәнімді –
Осылай ма едің... ей, Өмір!
Боядым жасқа бетімді,
Қылышым тасқа кетілді.
Талай жыл жиып бергенім
Далаға кеткен секілді –
Осылай ма едің... ей, Өмір!



Пікірлер (0)

Пікір қалдырыңыз

Кеңейіп қара шаңырақ

  • 0
  • 0

Кеңейіп қара шаңырақ,
Сарыарқа сайран – сары бел.
Қозы мен қойдай жамырап,
Қосылып жатыр қалың ел.

Толық

Не десең де мақұлмын

  • 0
  • 0

Не десең де мақұлмын,
Айналайын ақылдым.
Сен жоқ жерде – пақырмын,
Сен бар жерде – батырмын.

Толық

Жезге ұқсайды сары ала таңы, сірә...

  • 0
  • 0

Жезге ұқсайды сары ала таңы, сірә...
Жезге ұқсайды қынай бел, қамысы да.
Мынау дала мың мәрте ырза шығар
Қасиетті перзенті – Қанышына.

Толық

Қарап көріңіз