Өлең, жыр, ақындар

Солтүстігім...

  • 13.04.2022
  • 0
  • 0
  • 999
Қарағанды,
Қостанай,
Өскеменім,
Қарқаралы басынан
көшкен елім.
Қазақтың қайран жері –
Солтүстігім,
Ойда-жоқта оралдың еске менің.
Жүрегіме қаңтардың
жаттатқаны,
Бұл кеудеме келемін
сақтап та әлі.
Айналайын,
сол сұлу, аруындай
Солтүстіктің тап-таза
аппақ қары.
Өзімді туған екен
Оңтүстігім,
Ғашықтық махаббаттан
жол түсті мың.
Солтүстіктен
бір ару жарым болды
Жүрегімді жылыттың
Солтүстігім.
Дүние сені сүйіп талдым тасып,
Өмірде баз біреулер
орнын басып.
Жүрек те,
біле-білсең сол жағында,
Солтүстікке
Мен содан болдым
ғашық.
Жастық шақ, жас дәуренім тойлап алды,
Жүректі ыстық сезім бойлап алды.
Солтүстік Қазақстан сапарында,
Осындай тәтті қиял ойға оралды.
Бірі ұмтылып, өмірде бірі қалды,
Ақынның өлмейтұғын жыры қалды.
Солтүстіктен көремін Сәтпаевты,
Жинаған академик ұлыларды.
Қашанда қолдайды өмір жол күштіні,
Тілектес Шығыс-Батыс, Оңтүстігі.
Қашаннан абыройы, мерейі үстем,
Жасай бер, Қазағымның Солтүстігі!



Пікірлер (0)

Пікір қалдырыңыз

Дана халқым осылайша сыр еткен

  • 0
  • 0

Дана халқым осылайша сыр еткен,
Туған бірақ ізгі ниет тілекпен;
Жас туралы шежіреге сүйеніп,
Әзіл-шынын жырға қостым жүрекпен.

Толық

Арпалыс толқын алысқан

  • 0
  • 0

Арпалыс толқын алысқан,
Құдірет күш ғарыштан.
Әр күнім менің Мүшайра,
Уақыт жүйрік жарысқан.

Толық

Көл, бұлақ, теңіз қанша нұрлы небір

  • 0
  • 0

Көл, бұлақ, теңіз қанша нұрлы небір,
Дария, өзен қанша сырлы не бір...
Тұңғиық тереңіне сүңгісем деп,
Жағаңда, тік жарыңда тұрмын, Өмір!

Толық

Қарап көріңіз