Өлең, жыр, ақындар

Жеті өзен

  • 18.09.2021
  • 0
  • 0
  • 386
Құт бұлақтан
Ытқып аққан
Өртенгендей от өзегі,
Жыраулардай,
Жүйткіп аққан
Жетісудың жеті өзені.
Қолдарына домбыра алған
Жеті өзен жеті ақындай.
Жеткізгенде сол бір арман,
Жан қызыққа бататындай.
Сол бір арман
Сөзді маржан
Уыс-уыс ататындай.
Әр бұлақтың өз әуені,
Әр өзеннің өз үні бар.
Білер әлі, сезер әлі
Сергек жандар сезімі бар.
Тау да – жырау, Бау да – жырау,
Жыраулардан аумадым-ау.
Қайтқан емес,
Кең даланың,
Ен даланың төзімі – нар.
Келдім саған,
Кербез далам,
Жанымменен ұғысқалы,
Қанымменен туысқалы.
Бар атырап,
Сар жапырақ
Әніңменен тыныстады.
Жетісуым – жеті өзенім,
Өлең шалған от өзегін
Жеті ақындай Шығыстағы!



Пікірлер (0)

Пікір қалдырыңыз

Жел болсаң

  • 0
  • 0

Жел болсаң –
Шалқуың керек.
Көл болсаң –
Толқуын керек.

Толық

Ұлы халық

  • 0
  • 0

Ұлы дейміз Біреуді,
Ұлылығы Зор ма екен?
Ұжұмаққа апарар
Ұлы Жібек жол ма екен?!

Толық

Арылмақ емес, сірә, еш күнәдан

  • 0
  • 0

Арылмақ емес, сірә, еш күнәдан,
Білмейді кешіруді кекшіл адам.
Үйренген оқып-тоқып пысықайдан
Мың артық оқымаған ескі надан.

Толық

Қарап көріңіз